香港新浪網 MySinaBlog
« 上一篇 | 下一篇 »
Dozy.第一桶金 | 20th Jan 2016 | 一般, 財富@投資世界 | (2720 Reads)

跌市...到底是怎樣的?
海嘯之後,樓價持續攀升,很多近年入市的年青一輩投資者,都順風順水,然而當市場逆轉,是否懂得面對?...對於經歷過真正大跌市的投資者而言,不但懂得面對,甚至化危為機,贏得更多。資深投資者 King Sir 經歷過 97 大跌,吃盡苦頭,在《樓。轉命運》一書中,有跌市的故事、教訓、得著,趁跌市分享其中一篇
《燒炭者的告白》...
******** 以下轉載 ********
除了負資產、破產宗數大增,當年還發生多宗自殺案。
身邊亦曾有朋友做傻事,幸好及時發現,救得番!
事過境遷,朋友跟我們分享當時的心情…
原來當日他自尋短見,不但因為無助、絕望,最主要是憤怒!...
Picture


「害人害物的負累!要跟你同歸於盡!」
「當年我花盡一生積蓄,俾咗一成首期,大約 $50 萬買咗層樓,聽見身邊嘅朋友,個個都炒樓賺大錢,屋企人對我期望好高,希望呢層樓可以幫我哋賺到錢,改善全家人嘅生活。點知人炒樓,我炒樓,一炒就跌!短短幾年就跌咗七成,$500 萬跌到得番百幾萬,積蓄冇晒不特止,仲要爭銀行 $450 萬,你叫我點還丫?我同老婆成日因為呢件事鬧交,後來經濟唔好,公司裁員,工都冇得開,你叫我去邊度搵錢供?」朋友剖白當時絕望心情:「每晚返屋企,見到間屋,我都好憎自己,好憎呢層樓,乜嘢幸福家庭,根本就係一家人嘅負累,嗰一刻我好想同佢同歸於盡,我要佢變凶宅!一時諗唔開就做傻事…」

當時最流行的自殺方法是燒炭…
聽說有段時間超級市場、長洲渡假屋樓下的士多賣的炭,包裝袋上面甚至印有警告標語,呼籲人「珍惜生命」!

憤怒衝昏頭腦,做傻事!
「聽新聞聽得多…返到屋企,閂埋個窗,燒著啲炭,不知不覺間就會因為吸入過量二氧化炭而暈倒,再過一段時間就會迷迷糊糊咁去咗,冇乜痛苦,亦唔會好似跳樓咁甩頭甩骨!」朋友憶述當日自殺的情況,令人毛骨悚然:「嗰日我趁住老婆仔女出咗街,自己一個人响屋企燒炭,點不知老婆早咗返屋企,一開門見到我暈咗响廳,燒炭自殺,立即報警,最後救得番!我老婆、仔女傷心到不得了,嗰一刻我先發現,我真係好蠢、好自私!」

朋友被救之後,筆者協助他與銀行商討。
整個香港都愁雲慘霧,個個都還唔到錢,銀行亦明白到:「迫死佢都冇用!」經過筆者多番唇舌,終於得到銀行讓步。
首先,寬免一段時間,讓朋友先找工作再還錢;其次,調低還款利率;第三,延長供款年期!由於供款壓力大大減輕,再加上朋友後來找到了工作,於是選擇繼續供款。
隨着樓市回升,最困難的時刻亦已過去。至於那個物業,樓價不但重返家鄉,還有錢賺呢?今天他的生活挺不錯!
更多寶貴經驗,King Sir 講座再分享!

★★★ 1% 廣告時間 - 地產投資實戰。免費講座!★★★
★ 2016 年第一擊!星級投資者 King Sir 同你化危為機!★
內容:中原指數大跌,入市機會重臨,仲唔行動?
   樓轉命運!用盡按揭,把握機會一層變兩三層?
   收租必殺技!揀 4 厘以上筍盤?成本低,回報高?
   怕跌?唔跌...邊有機會?問題是你能否化危為機!
講者:《樓轉命運》等作者,星級投資者 King Sir
   1996 年 10 萬首期開始,今天持有逾 40 個物業!
   經歷 97 大崩潰,化危為機,就是技術!如何做到?
日期:1 月 21 日(四)7~10pm
地點:佐敦
留位:65330710-Cola(歡迎 Whatsapp)

About ME...
如果啱睇請加入 Facebook 群組「投資兵團」或讚好...
第一桶金專頁:www.facebook.com/anthony.wealth
第一桶金:http://anthony_chung_is.mysinablog.com

NEW!第一桶金信箱
如有關於物業的問題,歡迎到我的 Facebook,PM 給我!
1) 如果我識答,2) 如果不涉及太多課程內容,將盡量回覆。

免責聲明:本文純粹筆者個人意見,沒有促銷物業意圖。本人盡力確保資料正確,但不保證完全無誤,讀者須親身求證,參閱相關資料及售樓說明書,若有任何損失本人概不負責。
留言(0) | 引用(0) | 話題(地產)